தமிழகத்தில் இன்றும் மழை தொடரும் - வானிலை ஆய்வு மையம்

தமிழகம்
Updated Sep 23, 2019 | 10:09 IST | Times Now

நேற்று தமிழகத்தில் பரவலாக மழை பெய்ததைத் தொடர்ந்து இன்றும் மழை தொடரும் என வானிலை ஆய்வு மையம் தெரிவித்துள்ளது.

Rain continues in Tamilnadu today
Rain continues in Tamilnadu today  |  Photo Credit: Getty Images

நேற்று சென்னையில் பரவலாக மழை பெய்ததைத் தொடர்ந்து இன்றும் தமிழகம் மற்றும் புதுச்சேரியில் மழை பெய்யும் என்று வானிலை ஆய்வு மையம் தெரிவித்துள்ளது.

மேற்கு மத்திய வங்கக்கடலில் வளிமண்டல மேலடுக்கு சுழற்சி காரணமாகவும் வெப்பச்சலனம் காரணமாகவும் கடலூர், கிருஷ்ணகிரி, விழுப்புரம், கரூர், தஞ்சாவூர் , திருச்சி, தேனி, அரியலூர், திருவாரூர், சேலம், திண்டுக்கல், பெரம்பலூர், நாகை, தர்மபுரி, உள்ளிட்ட 14 மாவட்டங்களில் இன்று நல்ல மழை இருக்கும் என்று சென்னை வானிலை ஆய்வு மையம் தெரிவித்துள்ளது. மேலும் சென்னை, காஞ்சிபுரம், திருவள்ளூர் மற்றும் புதுச்சேரியிலும் மிதமானது முதல் நல்ல மழை பெய்யக்கூடும் எனவும் வானிலை ஆய்வுமையம் தெரிவித்துள்ளது. 

நேற்று அதிகபட்சமாக திண்டிவனம், வத்திராயிருப்பு, தேனி, ஆண்டிப்பட்டி, தருமபுரி ஆகிய இடங்களில் நல்ல மழை பதிவாகியுள்ளது. மழை காரணமாக குற்றால அருவி, கன்னியாகுமரி திற்பரப்பு அருவிகளில் நல்ல தண்ணீர் வரத்து உள்ளது. மேலும் நேற்று சென்னையில் நண்பகல் முதல் பரவலாக மழை கொட்டித்தீர்த்தது. குறிப்பாக வேளச்சேரி, கிண்டி, ஓ.எம்.ஆர், மைலாப்பூர், தேனாம்பேட்டை, அடையார், வில்லிவாக்கம் ஆகிய பகுதிகளில் இடியுடன் கனமழை பெய்தது. இதனால் சாலையில் தண்ணீர் தேங்கியது. 

NEXT STORY