தமிழகத்தில் பரவும் டெங்கு; கடலூரில் 9 பேருக்கு டெங்கு காய்ச்சல் உறுதி!

தமிழகம்
Updated Sep 09, 2019 | 20:21 IST | Times Now

டெங்கு காய்ச்சல் பரவுவதையும் அதன் பாதிப்பையும் தடுக்க பல்வேறு நடவடிக்கைகளை எடுத்து வருவதாக தமிழக அரசு சார்பில் தெரிவிக்கப்பட்டுள்ளது.

கடலூரில் 9 பேருக்கு டெங்கு காய்ச்சல்,9 people diagnosed of Dengue fever in Cuddalore
கடலூரில் 9 பேருக்கு டெங்கு காய்ச்சல்  |  Photo Credit: Twitter

கடலூரில் அரசு மருத்துவமனையில் 9 பேருக்கு டெங்கு காய்ச்சல் இருப்பது உறுதி செய்யப்பட்டுள்ளது. மேலும் தமிழகத்தில் பல்வேறு பகுதிகளில் டெங்கு பரவுவதற்கான அபாயம் இருப்பதாக தெரியவருகிறது.

கடலூர் மாவட்டத்தில் திடீரென 100-க்கும் மேற்பட்டோர் காய்ச்சல் காரணமாக மருத்துவமனையில் அனுமதிக்கப்பட்டுள்ளனர். காய்ச்சல் உள்ளவர்களுக்கு ரத்த பரிசோதனை செய்யப்பட்டது. அதில் 9 பேருக்கு டெங்கு காய்ச்சல் இருப்பது உறுதிசெய்யப்பட்டது. தற்போது அவர்களுக்கு தீவிர சிகிச்சை அளிக்கப்பட்டு வருகிறது. மேலும் சென்னை ராஜீவ் காந்தி மருத்துவமனையில் தினமும் 3 அல்லது 4 பேர் வரை டெங்கு காய்ச்சல் பாதிப்பால் அனுமதிக்கப்படுவதாக அம்மருத்துவமனையின் டீன் தெரிவித்துள்ளார்.  

சுகாதாரத்துறை அமைச்சர் விஜயபாஸ்கர் இதனை பற்றி கூறுகையில் தமிழகம் முழுவதும் அரசு மருத்துவமனைகளில் டெங்கு காய்ச்சல் சிகிச்சைக்கு தேவையான வசதிகள் செய்யப்பட்டுள்ளது என்றும்  அங்கு வரும் காய்ச்சல் பாதித்த நபர்களுக்கு உரிய சிகிச்சை அளிக்கப்பட்டு வருகிறது என்றும் தெரிவித்தார். சென்னை மற்றும் புறநகர் பகுதிகளில் இருந்து நாள்தோறும் சராசரியாக 4 பேர் டெங்கு காய்ச்சல் அறிகுறியுடன் மருத்துவமனைக்கு வருகின்றனர் என்று அவர் கூறினார். மேலும் அரசுடன் பொதுமக்களும் ஒன்று சேர்ந்து  செயல்பட்டால் டெங்கு காய்ச்சலில் இருந்து தப்பிக்கலாம் என்று தெரிவித்தார்.

மேலும் தற்போது சுகாதார துறை அதிகாரிகள் சார்பில் தீவிர நடவடிக்கைகள் எடுக்கப்பட்டு வருகிறது. வீட்டின் அருகில் மழை நீர் தேங்கி விடாமல் பத்துக்கொள்ளவும், குடிநீர் பாத்திரங்களை மூடிவைக்கவும், சுற்றுப்புறத்தை தூய்மையாக வைத்துக்கொள்ளவும் அறிவுறுத்தப்பட்டுள்ளது.        
     

 

 

NEXT STORY
loadingLoading...
loadingLoading...
loadingLoading...