அடேயப்பா! பூண்டு உரிக்கும் வீடியோவுக்கு இத்தனை கோடி வியூஸா? - வைரல் வீடியோ

ஹெல்த் & லைஃப்ஸ்டைல்
Updated Jun 20, 2019 | 09:26 IST | Twitter

வீடியோ பார்த்த பலரும் வாழ்நாளில் நான் பூண்டு உரிப்பதற்காக செலவிடும் நேரத்தை இந்த வீடியோ மிச்சப்படுத்தி இருக்கிறது என்றும், நேரத்தை விட எனது நகத்தைப் பாதுகாத்திருக்கிறது என்றும் பாராட்டி வருகிறார்கள்!

This garlic peeling hack
This garlic peeling hack  |  Photo Credit: Twitter

காய்கறி வேட்டுவதில் மிகக் கடினமான வேலை என்றால் சின்ன வெங்காயம் உரிப்பதும், பூண்டு உரிப்பதும் தானே. சின்ன வெங்காயத்தையாவது கத்தியால் கீறி தோலை உரித்துவிடலாம். இந்தப் பூண்டை அப்படியும் உரிக்க முடியாது. தோலோடு சமையலில் போட்டால், கரையாமல் வாயில் அப்படியே மாட்டிக்கொள்ளும். எவ்வளவு பெரிய நிபுணராக இருந்தாலும் மற்ற காய்கறிகளைவிட பூண்டு உரிப்பது நேரம் எடுக்கும் என்பதை ஒத்துக்கொள்வார்கள். சமீபகாலமாக காய்கறி, பழங்களை சுலபமாக வெட்டுவது, உரிப்பது எப்படி என்ற வீடியோக்கள் மக்கள் இடையே பிரபலமாகி வருகிறது. அந்த வீடியோக்களை எல்லாம் ஓரங்கட்டி நான்கே நாளில் 22 மில்லியன் பார்வையாளர்களைக் கடந்து இருக்கிறது இந்தப் பூண்டு உரிக்கும் வீடியோ!

அதுவும் யூடியூபில் கூட இல்லை, டிவிட்டரில்... வெறும் 25 நொடிகள் கொண்ட இந்த வீடியோவில் யார் என்னவென்று முகம் கூட இல்லை. வெறும் இரண்டு கைகள், மொத்தமாக ஒரு பூண்டை எடுத்து அனாயசமாக ஒவ்வொரு பல்லையும் கத்தியால் எடுக்கிறது, அதுவும் மிகச் சுலபமாக! அந்த வீடியோவைப் பதிவிட்டிருக்கும் பெண், கொரியன் உணவைச் சமைக்கும் யாரோதான் இப்படி ஒரு ஈஸியான வழியைக் கண்டுபிடித்திருக்க வேண்டும் என்று குறிப்பிட்டிருக்கிறார். இந்த வீடியோவை அந்தப்பெண் பதிவேற்றிய நான்கே நாட்களில் 22.4 மில்லியன் பார்வையாளர்களைக் கடந்துள்ளது. பதினோறாயிரம் பேர் இதில் கமெண்ட் செய்திருக்கிறார்கள். 1.45 லட்சம் பேர் ரீட்வீட் செய்திருக்கிறார்கல், 4.41 லட்சம் பேரு இதனை லைக் செய்திருக்கிறார்கள். 

வீடியோ பார்த்த பலரும் வாழ்நாளில் நான் பூண்டு உரிப்பதற்காக செலவிடும் நேரத்தை இந்த வீடியோ மிச்சப்படுத்தி இருக்கிறது என்றும், நேரத்தை விட எனது நகத்தைப் பாதுகாத்திருக்கிறது என்றும் என் வாழ்க்கையையே மாத்திவிட்டீர்கள் என்று பாராட்டி வருகிறார்கள். மேலும் இந்த வீடியோவில் உள்ளவரின் திறமையையும் பாராட்டி வருகிறார்கள். சிலர் இதனை செய்து பார்த்தேன், வீடியோவில் பார்த்தது போலவே வருகிறது என்று சிலாகித்திருக்கிறார்கள். நீங்களும் உங்களது வீட்டில் செய்து பாருங்களேன். வீடியோவில் பதிவான சில கமெண்டுகள் இங்கே... 
 

 

 

 

 

 

 

 

 

 

 

 

 

NEXT STORY
அடேயப்பா! பூண்டு உரிக்கும் வீடியோவுக்கு இத்தனை கோடி வியூஸா? - வைரல் வீடியோ Description: வீடியோ பார்த்த பலரும் வாழ்நாளில் நான் பூண்டு உரிப்பதற்காக செலவிடும் நேரத்தை இந்த வீடியோ மிச்சப்படுத்தி இருக்கிறது என்றும், நேரத்தை விட எனது நகத்தைப் பாதுகாத்திருக்கிறது என்றும் பாராட்டி வருகிறார்கள்!
loadingLoading...
loadingLoading...
loadingLoading...
taboola