நிமோனியா காய்ச்சல் குணமடைய வீட்டில் பின்பற்றவேண்டிய வழிமுறைகள், உணவுகள்

நிமோனியா  |  Photo Credit: Getty Images

நிமோனியா என்பது நுரையீரலில் ஏற்படும் நோயாகும். நிமோனியா உள்ளவர்களுக்கு நுரையீரலில் இருக்கும் சிறிய காற்றுப் பைகளில் சீழ் பிடிப்பதால் மூச்சுத்திணறல் ஏற்படும். எல்லா வயதினரையும் பாதிக்கும் இந்நோய், 2 வயதிற்கு குறைவானோர் மற்றும் 60 வயதிற்கு அதிகமானோரை பாதிக்க அதிக வாய்ப்புண்டு.

இருமல், முச்சுத்திணறல், காய்ச்சல், மூச்சு வாங்குதல், அசதி, வாந்தி, சுவாசிக்கும் பொழுதும் இருமும் பொழுதும் நெஞ்சு வலி, பசியின்மை, மலச்சிக்கல் ஆகியவை நிமோனியாவின் அறிகுறிகள் ஆகும்.

நிமோனியா ஏற்பட பாக்டீரியா, வைரஸ் மற்றும் ஃபங்கஸ் கிருமிகள் காரணமாக இருக்கலாம். மருத்துவமனை மற்றும் அதன் சுற்றுப்புற பகுதிகள், பொது இடங்கள் ஆகிய இடங்களில் நிமோனியா நோய் தொற்றிக் கொள்ள வாய்ப்புள்ளது. சுவாசக்கருவிகள் பயன்படுத்துதல், உணவு மற்றும் எச்சிலை சுவாசிப்பதால் கூட நிமோனியா தாக்க வாய்ப்புள்ளது.

நிமோனியாவை குணப்படுத்த மருத்துவ சிகிச்சை அவசியமாகும். மருத்துவ சிகிச்சை பெறுவதுடன், நிமோனியா அறிகுறிகளை கட்டுப்படுத்த வீட்டில் உள்ள சில பொருட்கள் நிவாரணியாக செயல்படும். அவை கீழ்வருமாறு:

1. பூண்டு: பூண்டை நசுக்கி நெஞ்சில் தடவலாம், அல்லது தினமும் ஒருமுறை பூண்டை அப்படியே சாப்பிடலாம்.
2. மஞ்சள்: மூச்சுத் திணறலை குறைக்கவும், நெஞ்சிலிருந்து சலியை வெளியேற்றவும் மஞ்சள் உதவும். ஒரு கப் சூடான பாலில் ஒரு டேபிள் ஸ்பூன் மஞ்சள் தூள் கலந்து பருகலாம்.
3. தேன்: இருமலை குறைக்க தேன் உதவும். நிமோனியா அறிகுறிகள் குறையும் வரை தினமும் நீரில் ஒரு டேபிள் ஸ்பூன் தேன் கலந்து பருகலாம்.
4. கற்பூர எண்ணெய்: நல்லெண்ணெய் உடன் மூன்று டேபிள் ஸ்பூன் கற்பூர எண்ணெய் கலந்து உறங்கும் முன் நெஞ்சில் தடவிக் கொள்ளலாம்.
5. ஆப்பிள்: வைட்டமின் சி அதிகமுள்ள ஆப்பிள்கள் நிமோனியாவை குணப்படுத்த உதவும். நுரையீரலில் வீக்கத்தை குறைக்கவும் ஆப்பிள் உதவும். தினமும் ஆப்பிள் பழம் சாப்பிடலாம் அல்லது ஜூஸ் செய்து செய்து குடிக்கலாம்.
6. கீரைகள், சிட்ரஸ் பழங்கள்: கமலாப்பழம், பெர்ரி பழங்கள், கிவி உள்ளிட்ட சிட்ரஸ் பழங்கள் நோய் எதிர்ப்பு சக்தியை அதிகரிக்க உதவும். நிமோனியாவை குணப்படுத்த கீரைகள் உதவும்.
7. காய்கறி ஜூஸ்: கீரை, கேரட், பீட்ரூட் ஆகியவற்றின் ஜூஸ் நிமோனியாவை குணப்படுத்த உதவும்.

பொறுப்புத் துறப்பு: மேற்கண்ட பரிந்துரைகள் அனைத்தும் பொது பயன்பாட்டிற்கானவை. அவை யாவும் மருத்துவ ஆலோசனையாக கருதப்படக் கூடாது. மருத்துவம் சார்ந்த கேள்விகள் அல்லது சந்தேகங்களுக்கு உங்கள் மருத்துவரை அணுகவும்.