நுரையீரல் புற்றுநோய்... முன்கூட்டியே கண்டறிய 9 அறிகுறிகள்

ஹெல்த் & லைஃப்ஸ்டைல்
Updated Nov 06, 2019 | 16:32 IST | Times Now

ஆரம்பக்கட்டத்தில் நுரையீரல் புற்றுநோயை கண்டறிவது கடினம். ஏனெனில், இதற்கான அறிகுறிகளை சாதாரண சுவாசத்தொற்று எனக் கருதி கடந்துவிடுவோம்.

Lung Cancer, நுரையீரல் புற்றுநோய்
நுரையீரல் புற்றுநோய்  |  Photo Credit: Getty Images

உலகில் பரவலாக காணப்படும் புற்றுநோய் வகைகளில் முக்கியமான ஒன்றாக நுரையீரல் புற்றுநோய் உள்ளது. சுவாசத்தை பாதிக்கும் நுரையீரல் புற்றுநோய் ஏற்பட காற்றுமாசு முக்கிய காரணியாக உள்ளது. குறிப்பாக, இளம் வயதினருக்கு நுரையீரல் புற்றுநோய் ஏற்பட காற்றுமாசு முக்கிய காரணமான அமைகிறது.

நவம்பர் மாதம் முழுவதும் நுரையீரல் புற்றுநோய் விழிப்புணர்வு வாரமாக அனுசரிக்கப்படுகிறது. 90 சதவிகித நுரையீரல் புற்றுநோய் பாதிப்புகள் புகை பிடிப்பதால் ஏற்படுகிறது. மேலும் காற்றுமாசு, சிகரெட் புகை, ரேடான் வாயு, மரபியல் ஆகியவை நுரையீரல் புற்றுநோய் ஏற்பட காரணிகளாக கருதப்படுகின்றன.

ஆரம்பக்கட்டத்தில் நுரையீரல் புற்றுநோயை கண்டறிவது கடினம். ஏனெனில், இதற்கான அறிகுறிகளை சாதாரண சுவாசத்தொற்று எனக் கருதி கடந்துவிடுவோம். சில சமயங்களில், அறிகுறிகள் ஏதும் தென்படுவது கிடையாது. புற்றுநோய் கட்டி வளர்ந்த பிறகோ அல்லது வியாதி முற்றிய பிறகோ தான் நுரையீரல் புற்றுநோய் பெரும்பாலான சமயங்களில் கண்டறியப்படுகிறது. முன்கூட்டியே கண்டறிந்தால், நுரையீரல் புற்றுநோயை குணப்படுத்துவது சுலபம். இதனால், நுரையீரல் புற்றுநோய்க்கான அறிகுறிகளை அறிந்துகொள்ள வேண்டியது அவசியமாகிறது.

நுரையீரல் புற்றுநோய் அறிகுறிகள் இவை தாம்:

  1. தீராத இருமல்
  2. இருமலில் ரத்தம் வெளியேறுதல்
  3. மூச்சுத்திணறல்
  4. குரல் கரகரப்பு
  5. அடிக்கடி ஜலதோஷம், காய்ச்சல்
  6. நெஞ்சுவலி
  7. உடல் எடை இழப்பு
  8. பசியின்மை
  9. தலைவலி

நுரையீரல் புற்றுநோய் கட்டி வளர்ந்தால் முதுகு, விலா எலும்பு மற்றும் இடுப்பு பகுதிகளில் எலும்பு வலி, மஞ்சள் காமாலை ஆகியவை ஏற்படலாம். மேற்கண்ட அறிகுறிகள் தென்பட்டால் உடனடியாக மருத்துவரை அணுகவும்.

பொறுப்புத் துறப்பு: மேற்கண்ட பரிந்துரைகள் அனைத்தும் பொது பயன்பாட்டிற்கானவை. அவை யாவும் மருத்துவ ஆலோசனையாக கருதப்படக் கூடாது. மருத்துவம் சார்ந்த கேள்விகள் அல்லது சந்தேகங்களுக்கு உங்கள் மருத்துவரை அணுகவும்.

NEXT STORY
நுரையீரல் புற்றுநோய்... முன்கூட்டியே கண்டறிய 9 அறிகுறிகள் Description: ஆரம்பக்கட்டத்தில் நுரையீரல் புற்றுநோயை கண்டறிவது கடினம். ஏனெனில், இதற்கான அறிகுறிகளை சாதாரண சுவாசத்தொற்று எனக் கருதி கடந்துவிடுவோம்.
loadingLoading...
loadingLoading...
loadingLoading...