சைனஸ் தொல்லை சமாளிக்க ஈசியான 7 தீர்வுகள்

ஹெல்த் & லைஃப்ஸ்டைல்
Updated Oct 14, 2019 | 15:50 IST | Times Now

சாதாராண ஜலதோஷம் பொதுவாக மூன்று முதல் ஐந்து நாட்கள் நீடிக்கும். ஆனால், சைனஸ் நோய் 12 நாட்களுக்கும் மேல் நீடிக்க வாய்ப்புள்ளது.

Sinus, Sinusitis, சைனஸ்
சைனஸ்  |  Photo Credit: Getty Images

நாசி துளைகளில் வீக்கம் காரணமாக ஏற்படும் பிரச்சனை ’சைனஸ்’ எனப்படுகிறது. வைரஸ், பாக்டீரியா அல்லது ஃபங்கஸ் காரணமாக சைனஸ் ஏற்பட வாய்ப்புள்ளது. சாதாராண ஜலதோஷம் 3-5 நாட்கள் நீடிக்கும். ஆனால், சைனஸ் நோய் 12 நாட்களுக்கும் மேல் நீடிக்க வாய்ப்புள்ளது.

கட்டுக்கடங்காத அளவிற்கு நாசியில் பாக்டீரியாக்கள் பெருகுதலால் சைனஸ் ஏற்படுகிறது. ஜலதோஷத்தால் நாசியில் ஏற்படும் வீக்கம் காரணமாக சைனஸ் ஏற்படுகிறது. புகை, மாசு ஆகியவற்றில் இருந்து தற்காத்துக் கொண்டால் சைனஸ் ஏற்படும் வாய்ப்பு குறையும். ஜலதோஷம், வைரஸ் தொற்று மற்றும் மூச்சுப் பாதையில் தொற்று இருப்பவரிடம் விலகி இருத்தல் வேண்டும். சைனஸ் தொல்லையால் பாதிக்கப்பட்டவர்கள் அதிகளவு நீர் பருக வேண்டியது அவசியமாகும்.

சைனஸ் நோயில் இரண்டு வகைகள் உண்டு. அக்யூட் சைனஸ் எனப்படுவது 3 வாரங்களுக்கு மிகாமல் நீடிக்கும். ஜலதோஷம், வைரஸ் தொற்று காரணமாக ஏற்படும்.  ஆனால், க்ரோனிக் சைனஸ் 12 வாரங்களுக்கு மேல் நீடிக்க வாய்ப்புள்ளது. ஒரு முறை வந்து செல்வது போல் அல்லாது, விட்டு விட்டு தாக்க வாய்ப்புள்ளது. க்ரோனிக் சைனஸ் உள்ளவர்களுக்கு தொண்டை வலி ஏற்படவும் வாய்ப்புள்ளது.

சைனஸ் அறிகுறிகள்

  1. முன் மண்டையில் வலி
  2. வாசம் உணராதல்
  3. சுவை உணராதல்
  4. கண்ணில் நீர் பெருகுதல்
  5. நாசியின் ஒரு துளை அடைப்பு
  6. மூக்கொழுகுதல் அல்லது மூக்கடைப்பு
  7. ஒரு காது வலித்தல்
  8. தாடை மற்றும் கன்னத்தில் வலி

சைனஸ் நோய் சமாளிக்க எளிய வழிகள்

  1. சலைன் நாசல் ஸ்ப்ரே: நாசிப் பாதை வறண்டு போதலை தவிர்க்க நாசல் ஸ்ப்ரே உதவும்.
  2. ஆவி பிடித்தல்: சைனஸ் தொல்லையை சமாளிக்க ஆவி பிடித்தல் ஒரு வழக்கமான வழிமுறையாகும். குழந்தைகள் ஆவி பிடிக்கும் பொழுது விபத்துகளை தவிர்க்க பெரியவர்கள் உடன் இருத்தல் வேண்டும்.
  3. அக்குபிரஷர்: சைனஸ் அறிகுறிகளை கட்டுப்படுத்த அக்குபிரஷர் சிகிச்சை உதவும்.
  4. தண்ணீர் அதிகம் பருக வேண்டும்.
  5. உணவு: நோய் எதிர்ப்பு சக்தியை அதிகரிக்கும் பூண்டு, வெங்காயம் ஆகியவை போதியளவு உணவில் சேர்த்துக் கொள்ள வேண்டும். நாசி துளைகளில் உள்ள வீக்கத்தை குறைத்து மூச்சுப்பாதையை சீராக்க பூண்டு உதவும். இஞ்சு தேநீர், காய்கறி சூப் குடித்தால் மூக்கடைப்பு குறையும்.
  6. உப்பு நீர் கொண்டு நாசிகளை சுத்தம் செய்தால் வீக்கம் குறைவதுடன் மூக்கும் சுத்தமாகும்.
  7. யூக்கலிப்டஸ் தைலம் கலந்த வெந்நீரில் ஆவி பிடித்தால் மூக்கடைப்பு குறையும்.

பொறுப்புத் துறப்பு: மேற்கண்ட பரிந்துரைகள் அனைத்தும் பொது பயன்பாட்டிற்கானவை. அவை யாவும் மருத்துவ ஆலோசனையாக கருதப்படக் கூடாது. மருத்துவம் சார்ந்த கேள்விகள் அல்லது சந்தேகங்களுக்கு உங்கள் மருத்துவரை அணுகவும்.

NEXT STORY
சைனஸ் தொல்லை சமாளிக்க ஈசியான 7 தீர்வுகள் Description: சாதாராண ஜலதோஷம் பொதுவாக மூன்று முதல் ஐந்து நாட்கள் நீடிக்கும். ஆனால், சைனஸ் நோய் 12 நாட்களுக்கும் மேல் நீடிக்க வாய்ப்புள்ளது.
loadingLoading...
loadingLoading...
loadingLoading...