16 வயது மாடலிங் இளம்பெண் பாலியல் பலாத்காரம்!

குற்றம்
Updated Apr 23, 2019 | 15:04 IST | Times Now

மும்பையில் 16 வயது மாடலிங் இளம்பெண்ணை, சினிமா மற்றும் தொலைக்காட்சித் தொடர்களில் வாய்ப்பு வாங்கித் தருவதாக ஏமாற்றி பாலியல் பலாத்காரம்.

16 வயது மாடலிங் இளம்பெண் பாலியல் பலாத்காரம்
16 வயது மாடலிங் இளம்பெண் பாலியல் பலாத்காரம்  |  Photo Credit: Thinkstock

மும்பை : மும்பையில் 16 வயது மாடலிங் இளம்பெண்ணை, சினிமா மற்றும் தொலைக்காட்சித் தொடர்களில் வாய்ப்பு வாங்கித் தருவதாக ஏமாற்றி ஆண் நண்பர் உட்பட 2 பேர் பாலியல் பலாத்காரம் செய்துள்ளனர். மும்பை நவ்கார் போலீசார் குற்றச்சாட்டுக்கு ஆளாகியுள்ள 2 பேரையும் கைது  செய்துள்ளனர். 

பாதிக்கப்பட்ட பெண் இதுதொடர்பாக போலீசில் புகார் அளித்துள்ளார். அதில், மாடலிங் துறையில் வாய்ப்புகள் பெறுவதற்காக 30 வயதுடைய 2 பேரை கடந்த ஆண்டு சந்தித்ததாகவும், அவர்கள் தனக்கு தொலைக்காட்சித் தொடர்கள் மற்றும் சினிமாவில் வாய்ப்பு வாங்கித் தருவதாகவும் உறுதி அளித்ததாக தெரிவித்துள்ளார். இதன்மூலம், ஒருவரிடம் தனக்கு நெருங்கிய ஏற்பட்டதாகவும், சில மாதங்களில் நட்பை துண்டித்துக் கொண்டதாகவும், பின்னர் மற்றொருவருடன் நட்பு ஏற்பட்டதாகவும் தெரிவித்துள்ளதாக டைம்ஸ் ஆப் இந்தியா செய்தி வெளியிட்டுள்ளது.

இந்நிலையில், தனது ஆண் நண்பர் பயாண்டர் பகுதியில் உள்ள கடற்கரைக்கு  கடந்த வாரம் அழைத்துச் சென்றதாகவும், அப்போது குளிர்பானத்தில் மயக்க மருந்து கலந்து கொடுத்து, தன்னை பாலியல் பலாத்காரம் செய்துள்ளதாகவும் தெரிவித்துள்ளார். மயக்கம் தெளிந்து விழித்துப் பார்த்தபோதுதான் தான் பாலியல் பலாத்காரத்திற்கு உள்ளானது தெரியவந்ததாகவும், இளம்பெண் கூறியுள்ளார். 

இதேபோல், பெண் ஒருவர் அளித்த பாலியல் பலாத்கார புகாரின் அடிப்படையில் மும்பையில் தொழிலதிபர் ஒருவரை போலீசார் கைது செய்துள்ளனர். தொழிலதிபர் தன்னை கடந்த 2 ஆண்டுகளாக தொடர்ந்து பாலியல் பலாத்காரம் செய்து துன்புறுத்தி வந்ததாகவும், அந்த காட்சிகளை வீடியோ எடுத்து வைத்துக்கொண்டு மிரட்டி வருவதாகவும் அந்தப் பெண் புகார் அளித்துள்ளார். 

அந்த பெண்ணுடன் ஒன்றாக இருந்தபோது எடுத்த வைத்த வீடியோ காட்சிகளை, தொழிலதிபர் சில நண்பர்களுக்கு அனுப்பி வைத்துபோதுதான் தனக்கு தெரியவந்ததாக புகாரில் அந்தப் பெண் தெரிவித்துள்ளதாகவும் தகவல்கள் தெரிவிக்கின்றன. இந்த புகார் தொடர்பாக போலீசார் வழக்குப் பதிவு செய்து விசாரணை நடத்தி வருகின்றனர்.
 

NEXT STORY
16 வயது மாடலிங் இளம்பெண் பாலியல் பலாத்காரம்! Description: மும்பையில் 16 வயது மாடலிங் இளம்பெண்ணை, சினிமா மற்றும் தொலைக்காட்சித் தொடர்களில் வாய்ப்பு வாங்கித் தருவதாக ஏமாற்றி பாலியல் பலாத்காரம்.
Loading...
Loading...
Loading...